E shtunë, 6 Mars, 2021
No menu items!

Vasfije Krasniqi: Do të jem zë i fuqishëm institucional i të mbijetuarve të luftës

Duhet lexuar

Nuk ka cunami në Zelandën e Re, publikohen pamjet e dallgëve që kishin frikësuar banorët

Agjencia për situata emergjente në Zelandën e Re, ka tërhequr paralajmërimin për një cunami të mundshëm pas një serie...

Diego Forlan: Barcelona gaboi me Suarezin, sikurse Real Madridi me Ronaldon

Ish sulmuesi i Atletico Madridit, Diego Forlan, ka folur për Luis Suarezin, duke thënë se Barcelona nuk është dashur...

Oda e Hotelerisë: Sallat e dasmave të hapen në prill

Oda e Hotelerisë e Kosovës, ka paralajmëruar mosrespektim të masave eventuale  të cilat kufizojnë punën e tyre, duke kërkuar...

Kandidatja për deputete nga Vetëvendosje, Vasfije Krasniqi, pas rezultateve të KQZ-së, ka thënë se dita e zgjedhjeve, 14 shkurti demonstroi qartë e bindshëm, se sa është rrënjosur ndër ne, kultura demokratike e shprehja më e lartë e saj: e drejta për të zgjedhur e për tu zgjedhur, liria për të votuar e për t’u votuar.

Në një shkrim në Facebook, Krasniqi ka thënë se pjekuria politike në këto zgjedhje ka dëshmuar se e ardhmja duhet të shihet me optimizëm.

“Asnjë parregullsi evidente, asnjë ngjarje që të dëshmonte të kundërtën, përkundrazi. Fakti që më pas i gjithë shtypi e kanceleritë perendimore vlerësuan maksimalisht procesin elektoral, më mbush jo vetëm me një ndjenjë krenarie për popullin tim, por edhe më krijon bindjen se me një ecuri të tillë, me një pjekuri të tillë politike, drejt së ardhmes mund e duhet të shihet vetëm me optimizëm”, tha ajo.

Krasniqi ka theksuar se do të jetë zë i fuqishëm institucional i të mbijetuarve të luftës.

“Për mua ka qenë privilegj të garoj si kandidate e Lëvizjes Vetvendosje. Nr.4 që mbajta në këtë listë flet për prioritetin me të cilin ky grupim politik, i konsideron temat e përpjekjes së armatosur për liri, që ndërmorrëm 20 vite të shkuara. Të kesh në qendër të vëmendjes ata njerëz që më së shumti i goditi lufta e viteve ’98-’99, do të thotë përpjekje e qëllim për ta parë në sy të kaluarën, për të mbyllur me drejtësi e përmes drejtësisë pasojat e saj, do të thotë të mendosh ndërtimin e së ardhmes, pa pesha të mbartura e të mbetura nga e kaluara. Unë do të punoj për këtë, pa u lodhur, pa u ndalur, me zemër, me shpirt, me mendje”, u shpreh Krasniqi.

Tutje ka falënderuar qytetarët që ia kanë besuar votën, duke thënë se do të luftojë për drejtësi.

“Në këto ditë, kam marrë me mijra e mijra mesazhe, urime, përshëndetje, nxitje, mbështetje, për të qenë vetvetja në misionin që më pret, zëri i fuqishëm institucional i të mbijetuarve. Ju falenderoj të gjithëve, një për një. U premtoj se do të jem ai zë që doni ta dëgjoni, do të punoj e luftoj për drejtësinë që na përket e që duhet ta arrijmë. Unë jam thellësisht e bindur që do të korrim rezultatet e shpresuara dhe këtë bindje ma jep prania juaj, mbështetja juaj, përkrahja juaj, dashuria që më shfaqni”, tha Krasniqi.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Lajmet e fundit

Nuk ka cunami në Zelandën e Re, publikohen pamjet e dallgëve që kishin frikësuar banorët

Agjencia për situata emergjente në Zelandën e Re, ka tërhequr paralajmërimin për një cunami të mundshëm pas një serie...

Më shumë artikuj si kjo

- Advertisement -