E premte, 23 Prill, 2021
No menu items!
spot_imgspot_img

Torte ‘reform’

Duhet lexuar

spot_img

Nevojiten:

* 150 gr çokollatë
* 300 gr arra
* 1 lugë e gjysmë miell
* 8 lugë sheqer
* 100 gr rrush i thatë
* 10 vezë
* 150 gr gjalpë
* 30 ml rum
* 300 ml shtalpë
* 10 lugë sheqer

Gatimi

Të bardhat e vezës i rrahim me mikser, duke shtuar 10 lugë sheqer. I rrahim derisa të shkrihet sheqeri dhe derisa të bëhet kremi.

Miellin e hedhim mbi arrat e thërrmuara dhe i përziejmë me dorë. Miellin dhe arrat i shtojmë në krem. Përziejmë me lugë, e shtojmë rrushin e thatë dhe rumin dhe përziejmë derisa të fitojmë një masë homogjene.

Tavën për pjekje e lyejmë me gjalpë dhe në të e derdhim brumin për pandispanjë. E rrafshojmë brumin dhe tavën e vëmë në furrë. Pjekim 20 minuta, në temperaturë prej 175 gradë. Ndërkohë, të verdhat e vezës dhe 8 lugë sheqer i rrahim me mikser. Pasi shkrihet sheqeri, këtë masë e derdhim në një enë të cilën e vëmë mbi një enë tjetër me ujë të valuar në zjarr. Në enë e shtojmë çokollatën e thyer në copë. Përziejmë me telin e kuzhinës dhe e ziejmë kremin mbi avull. Pasi e fiton dendësinë e duhur, kremin e lëmë të ftohet.

Pandispanjën e pjekur e presim në dy copë. Copën e parë e vëmë në enën për torta. Në tenxheren me kremin e ftohur e shtojmë gjalpin dhe i rrahim me mikser. Me këtë krem e lyejmë pandispanjën. Mbi kremin e vëmë copën e dytë të pandispanjës. Tërë tortën e lyejmë me krem.

Në enën për përzierje e vëmë shtalpën. E rrahim me mikser derisa kremi pana ta fitojë dendësinë e duhur. Shiringën e kuzhinës e mbushim me krem pana, me të cilën e zbukurojmë ‘reform’ tortën. Zbukurimin e përfundojmë me arra të shtypura.



spot_img
spot_img

Lajmet e fundit

U vaksinua kundër COVID-19, Era Istrefi tregon se a ka ndonjë simptomë

Era ka marrë vaksinën e Pfizer. Këngëtarja e njohur Era Istrefi gjatë ditës së djeshme njoftoi se është vaksinuar kundër...

Më shumë artikuj si kjo

- Advertisement -spot_img