Televizioni shtetëror serb (RTS) e kishte ndërprerë transmetimin e Lojërave Olimpike në Tokio kur garuesja nga Kosova filloi luftën për medaljen e artë.
Nora Gjakova hyri në histori duke fituar medaljen e dytë të artë për Kosovën në ‘Tokio 2020’ dhe të tretën në histori të vendit, pasi në ‘Rio 2016’ një të artë e kishte fituar edhe Majlinda Kelmendi.
Xhudistja e Kosovës në finale në kategorinë deri në 57 kilogramë festoi përballë holandezes Sanne Verhagen.
Mirëpo, duelin e saj nuk kanë mundur ta përcjellin shikuesit përmes ekraneve të RTS, sepse televizioni shtetëror serb e ndali transmetimin kur xhudistet dolën ne fushëbetejë.
RTS cenzura severnokorejskim stilom ‼️.
Prekida se prenos džudo takmičenja #Tokyo2020, jer se za borbu sprema džudašica sa Kosova.
Šta mislite, da će te ovako sakriti realnost, od ljudi koji vas plaćaju!? pic.twitter.com/k5jZH2aZ5g— Djordje (@djordjega) July 26, 2021
Krahas Norës, në Tokio medalje të artë fitoi edhe Distria Krasniqi, derisa shumëkush e ka kritikuar vendimin e RTS për ndërprerjen e transmetimit.
Ndërkaq, siç transmetohet, Olivera Kovacevic, redaktore në RTS, e ka shpjeguar në këtë mënyrë ndërprerjen e transmetimit: “Shumicës së gazetarëve të shtëpisë sonë në Tokio iu është caktuar karantinë dyjavore, prandaj deri te ndërprerja ka ardhur për shkak se nuk kemi njerëz të mjaftueshëm për t’i mbuluar të gjitha ngjarjet”.
