E diel, 28 Shkurt, 2021
No menu items!

Mërgata sërish thyen rekordin e dërgesave, deri në muajin nëntor në Kosovë solli rreth 900 milionë euro

Duhet lexuar

Marina Vjollca shfaqet tërheqëse në fotosesionin e ri, thekson gjoksin e formësuar

Prezantuesja shqiptare, Marina Vjollca, gjithmonë di si të tërheq vëmendjen e fansave të saj. Përmes tipareve të bukurisë dhe linjave...

Kurti “mes dy zjarresh”, Netanyahu e fton të hapë ambasadën në Jerusalem e Erdogani ta shmangë

Presidenti i Turqisë, Reccep Tayyip Erdogan, i ka kërkuar kandidatit për kryeministër, Albin Kurtit, ta shmangë vendimin për hapjen...

25 mijë euro për një aplikues – Prokuroria me audio dhe video për ryshfetin në rastin “Subvencionet”

Në dosjen e prokurorisë me audio dhe video dëshmohet se fermerët janë detyruar të japin deri në 30 mijë...
Html code here! Replace this with any non empty raw html code and that's it.

Mërgata e Kosovës pavarësisht pandemisë COVID-19, ka vazhduar të dërgoj para në drejtim të vendit tonë.

Të dhënat e Bankës Qendrore të Kosovës për muajin nëntor 2020, tregojnë se diaspora ka dërguar rreth 14 milionë euro më shumë sesa muaji i njëjtë i vitit të kaluar.

Për këtë muaj, në vendin tonë u sollën 87.2 milionë euro, kurse një vit më herët kjo vlerë ishte 72.4 milionë euro.

Duke krahasuar periudhën dhjetë mujore të vitit aktual me atë paraprak, del se mërgata në drejtim të Kosovës ka dërguar 104.2 milionë euro më shumë, apo në total 883.3 milionë euro.

Për sa i përket dërgesave të mërgatës sipas vendeve, Gjermania është shteti ku më së shumti dërgohen para në drejtim të Kosovës.

Në tremujorin e tretë të vitit 2020, del se nga Gjermania kanë ardhur 40.8 për qind e dërgesave, ndjekur nga Zvicra me 24.4 për qind dhe Shtetet e Bashkuara të Amerikës me 6.2 për qind.

Për këtë periudhë, rritja e remitencave është për 18.1 për qind më e madhe se në vitin paraprak.

“Vetёm nё tremujorin e tretë të 2020-së, vlera e remitencave tё pranuara ishte 262.2 milionё euro, apo 18.1 pёr qind mё shumё krahasuar me tremujorin e tretë të 2019-së”, thuhet në raportin “Vlerësimi tremujor i zhvillimeve makroekonomike, tremujori i tretë 2020”, përcjell Telegrafi.

BQK thotë se, rritja e dërgesave ka qenë dyshifrore gjatë gjithë periudhës së pandemisë, me përjashtim të muajit mars 2020 dhe prill 2020 kur shënuan rënie.

“Përkundër faktit se edhe vendet ku janë të koncentruar diaspora kosovare janë goditur shumë nga kriza e pandemisë, remitencat kanë shënuar përshpejtim të rritjes. Rritja e remitencave ka qenë dyshifrore gjatë gjithë periudhës, me përjashtim të muajit mars 2020 dhe prill 2020 kur shënuan rënie”, thotë BQK.

Sipas kanaleve të dërgimit, BQK thotë se, 615.2 milionë euro janë transferuar me anë të agjencive të dërgesave të parëve, kurse pjesa tjetër me anë të bankave komerciale.

“Dërgesat e remitencave përmes operatorëve që transferojnë para kanë shënuar rritje për 62.0 për qind deri në shtator ndërsa remitencat që dërgohen përmes bankave kanë shënuar rritje për 10.3 për qind. Në anën tjetër, duke pasur parasysh mbylljen e kufirit si dhe kufizimeve të tjera, remitencat që vijnë përmes ‘kanalit jo-formal’ kanë shënuar rënie prej 57.5 për qind deri në muajin shtator 2020. Ky trend i rritjes së remitencave pritet të vazhdoj edhe në muajt vijues, vetëm në muajin tetor rritja e remitencave ishte 27.6 për qind”, thuhet në raportin makroekonomik.

Gjatë muajit tetor 2020, mërgata në drejtim të Kosovës kishte dërguar 99.4 milionë euro, kurse vlera më e lartë e dërguar brenda këtij viti ishte muaji maj me 104.4 milionë euro.

Nga rezultatet preliminare të regjistrimit të diasporës, numri i qytetarëve të Kosovës që jetojnë në vende të ndryshme të Evropës dhe botës, të cilët i janë përgjigjur regjistrimit është rreth 350 mijë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Lajmet e fundit

Marina Vjollca shfaqet tërheqëse në fotosesionin e ri, thekson gjoksin e formësuar

Prezantuesja shqiptare, Marina Vjollca, gjithmonë di si të tërheq vëmendjen e fansave të saj. Përmes tipareve të bukurisë dhe linjave...

Më shumë artikuj si kjo

- Advertisement -