E shtunë, 23 Tetor, 2021
No menu items!
spot_img

Kolona të gjata në Merdarë, bashkadhedhtarët po presin deri në tri orë për të hyrë në Kosovë

Duhet lexuar

spot_img

Sërish janë krijuar kolona të gjata me automjetet e bashkatdhetarëve tanë në pikë-kalimet kufitare me Serbinë, ku po pritet nga dy deri në tri orë në hyrje-dalje.

Sipas Qendrës Kombëtare për Menaxhim Kufitar, pritje dhe kolona të gjata të automjeteve, të atyre që po hyjnë dhe dalin nga Kosova, janë regjistruar në pikë-kalimet në Merdarë, Dheu i Bardhë dhe Muçibabë.

Në përditësimin e fundit të gjendjes nëpër pikë-kalimet kufitare të Kosovës me vendet fqinje, të orës 22:38, fluksi i madh i mërgimtarëve, që kanë mësyrë Kosovën për pushime, por edhe të atyre që po kthehen, është regjistruar në vendkalimet kufitare me Serbinë, raporton Telegrafi.

Në pikë-kalimin kufitar në Merdarë, për të hyrë në Kosovë po pritet deri në tri orë, kurse për të dalë dy orë e 20 minuta. Ndërsa, në dalje të Kosovës kolona e automjeteve është deri në 350 metra, kurse në hyrje deri në 150 metra.

Gjendje pothuaj e njëjtë është edhe në pikë-kalimin kufitar te Dheu i Bardhë, ku për të hyrë në Kosovë po pritet deri dy orë, kurse për të dalë 80 minuta, ndërsa kolona në dalje është 250 metra, kurse në hyrje deri në 400 metra.

Pritje të gjata ka edhe në pikë-kalimin kufitar në Muçibabë, ku po pritet deri në dy orë për të dalë nga Kosova, ndërsa kolona e automjeteve është deri në 800 metra. Edhe në Jarinje ka kolona dhe pritje deri në 45 minuta për të hyrë në Kosovë.

Në vendkalimet e tjera kufitare të Kosovës me vendet fqinje, për hyrje dhe dalje nuk pritet më gjatë se 5-10 minuta.

spot_img
spot_img

Lajmet e fundit

Përleshje mes kosovarëve në Zvicër, plagosen burrë e grua

Një burrë dhe një grua kanë mbetur të plagosur në një konflikt mes disa kosovarëve, që ka ndodhur sot rreth...

Më shumë artikuj si kjo